Igandea, 2015eko uztailak 12a.
Abian da Katalunia
eta Euskal Herria bizikletan lotzeko erronka.
Ibilbidearen lehen zatian ariko diren
txirrindulariak, atzo, Portboun, erronka hasi aurretik. BI NAZIOAK BIZIKLETAN.
Jon Bikendi eta Iban Gartzia hasi dira jo eta ke pedalei eragiten. Bi
txirrindulariok erronka gogorra dute esku artean: Katalunia eta Euskal Herria
bizikletaz lotzea, bi herrialdeon autodeterminazioaren, independentziaren eta
selekzio ofizialen aldeko aldarrikapena egiteko. Atzo hasi zuten erronka,
Portboun, eta, ondo bidean, datorren asteartean amaituko dute, Hendaian. 942
kilometro egingo dituzte lau egunetan, eta 26.800 metroko desnibela pilatuko
dute. Bikendik eta Gartziak osorik egingo dute ibilbidea, eta beste bost
txirrindulari izango dituzte ondoan. Etzi iritsiko da Frantziako Tourra Euskal
Herrira, eta, bezperan, aldarrikapen txiki bat egingo dute San Martin harrian,
18:00ak aldera. Ordu horretan egingo diete ongietorria ere, Euskal Selekzioaren
Aldeko Lagunak elkarteak antolatuta. Hurrengo egunean ere, Hendaiara
iritsitakoan, ekitaldia egingo dute, egitasmoari amaiera emateko.